شروط القبول بكليه فنون جميله+فنون تطبيقيه

طبعا الكلام كتر اوى اوى عن فنون جميلة وفنون تطبيقية وتربية فنية
واتضح لى ان الامر مختلط تماما على بعض الطلاب بين فنون جميلة وفنون تطبيقية

البعض ميعرفش انهم كليتين منفصلتين
والبعض مفكر امتحان القدرات بتاع دى يبقى بتاع دى ،، وخلافه

دلوقتى انا حبيت اسهل عليكم الموضوع
سواء لدفعتنا
او للطلبة اللى جاية

واعرض لكم اللى ربنا يقدرنى عليه فى الموضوع دا ،، وارد ع اللى اقدر عليه
من استفساراتكم واللى عاوز يسأل فى حاجة يتفضل واللى حابب يضيف حاجة
يتفضل بردو
وردودى ع بعض الاعضاء فى مواضيع كانوا بيستفسروا فيها عن الكليات دى


بس اولا : حاجات اساسية لازم نعرفها كدة

دول 3 كليات ملهمش دعوة ببعض اطلاقا

كلية الفنون الجميلة
كلية الفنون التطبيقية
كلية التربية الفنية

واللى هنتناولهم بتفاصيل اكتر ان شاء الله هما ال2 الاولانيين
واكتر اوى هى فنون تطبيقية لان معرفتى بيهم اكبر ولله الحمد


نبدأ ب: كليـــ..ــة الفنــــــــون التطبيقيـــــــة

أولا : فيما يخص اختبارات القدرات

دا أكتر حاجة بيختلط أمرها ع طلبة كتير من طلبة الثانوية العامة

كلية الفنون التطبيقية مالهاش دعوة بامتحانات القدرات ( فنون - عمارة) اللى مع امتحانات الثانوية دى
دول تبع فنون جميلة بس - وهنوضح دا اكتر لما نوصل فى الكلام عنها

كلية الفنون التطبيقية امتحانها بيكون فى الكلية
والاسبوع دا بيتم سحب الاستمارات ومعرفة ميعاد الامتحان وميعاد الكورس بتاعها ،، الخ



نبدأ ب: كليـــ..ــة الفنــــــــون التطبيقيـــــــة

أولا : فيما يخص اختبارات القدرات

دا أكتر حاجة بيختلط أمرها ع طلبة كتير من طلبة الثانوية العامة

كلية الفنون التطبيقية مالهاش دعوة بامتحانات القدرات ( فنون - عمارة) اللى مع امتحانات الثانوية دى
دول تبع فنون جميلة بس - وهنوضح دا اكتر لما نوصل فى الكلام عنها

كلية الفنون التطبيقية امتحانها بيكون فى الكلية
والاسبوع دا بيتم سحب الاستمارات ومعرفة ميعاد الامتحان وميعاد الكورس بتاعها ،، الخ

ثانيا : شعبتك فى الثانوية العامة .

اقتباس:تقبل الكلية الحاصلين على الثانوية العامة المصرية بقسم العلمي و لكن بشرط اجتياز اختبار القبول الذى تعده الكلية

ثالثا: أقسام الكلية .


- قسم الغزل النسيج والتريكو
- قسم طباعة المنسوجات والصباغه والتجهيز
- قسم الملابس الجاهزة
- قسم الإعلان
- قسم الزخرفة
- قسم النحت و التشكيل المعماري
- قسم الاثاثات والانشاءات المعدنية والحديدية
- قسم المنتجات المعدنية والحلى
- قسم التصميم الصناعي للأجهزة والمعدات
- قسم الزجاج
- قسم الخزف
- قسم التصميم الداخلي و الأثاث
- قسم الطباعة و النشر و التغليف
- قسم التصوير الفوتوغرافي و السينمائي و التلفزيوني


رابعا :
اسمحوا لى بعرض بعض الاقتباسات والنبذات العامة عن الكلية


تسمى النقابة الخاصة بخريجي الكلية بنقابة مصممي الفنون التطبيقية ، ويشترك خريجى قسمي النسيج وطباعة المنسوجات فقط بنقابة المهندسين أيضا ، كما يمكن للخريجين أن يشتركو في نقابة التشكيليين أيضا .

كلية الفنون التطبيقية Faculty of Applied Arts، هي إحدى كليات جامعة حلوان المصرية بمدينة القاهرة . و الكلية بها 14 قسماً.و تقع كلية الفنون التطبيقية في منطقة الأورمان حي الدقي بجوار جامعة القاهرة مدة الدراسة بها خمس سنوات منها سنة عامة تسمى السنة الأعدادية ثم أربع سنوات في القسم المرشح له الطالب حسب تقديره في السنة الأعدادية و هذا بحسب تنسيق داخلي خاص بالكلية.

نيجى بقى لــــ....


كلية الفنون الجميلة


أولا : فيما يخص اختبارات القدرات


هى دى بقى اللى ليها علاقة بفنون وعمارة تبع المدرسة

امتحان العمارة >>> يؤدى الى قسم العمارة فقط لا غير
امتحان الفنون >>>> يؤدى الى بقية الاقسام

اما عن حكاية فيه امتحان تانى فى الكلية بعد دا ولا لاء فدى بصراحة معنديش خلفية بيها ،، ياريت اللى متأكد من حاجة يقول لنا ........





ثانيا : شعبتك فى الثانوية العامة .


العمارة >>>> علمى رياضة
الفنون (باقسامها) >>>> جميع الشعب من علمى و أدبى



ثالثا: أقسام الكلية .



قسم الجرافيك

قسم النحت



قسم العمارة

قسم هندسة الديكور

قسم التصوير (الرسم الملون











رابعا :
اسمحوا لى بعرض بعض الاقتباسات والنبذات العامة عن الكلية



شروط الالتحاق ونظم الامتحانات وخطة الدراسة الخاصة ببكالوريوس الفنون الجميلة:
يؤدى الطالب اختبار القدرات (عمارة أو فنون) بنجاح فى امتحانات الثانوية العامة·
الطلاب الحاصلون على شهادة معادلة يؤدون اختبار قدرات (عمارة أو فنون(
يكون ترشيح جميع الطلاب فى البند الأول والثانى عن طريق مكتب تنسيق القبول بالجامعات

http://www.helwan.ed.../fine/index.htm

الرابط دا بيقول كمان انها خمس سنين مش اربعة ،، اول مرة اعرف دا
انا كنت مفكراها اربعة بس !!!!





معلوماتى عن فنون جميلة مش زي تطبيقية خالص معلش
اتمنى اللى عنده استفسار يحطه واللى عنده معلومات اكتر يحطها ان شاء الله



ربنا يوفق الجميع ان شاء الله







منقول للافاده